Um lögin
Lögin í þessari útsetningu eru kvæðalög eða stemmur við ferskeytlur sem allar hafa sterka tengingu við náttúruna. Lögin eru fengin úr ýmsum áttum:
-
Dýravísur eru skrifaðar upp eftir minni. Kvæðið er eignað Jóni Steinssyni Bergmann.
-
Dýrin víða vaknað fá eru úr Númarímum eftir Sigurð Breiðfjörð. Lagið er skrifað upp eftir hljóðriti; Jónas Benedikt Bjarnason kveður.
-
Straumur reynir sterkan mátt er fengið úr Segulböndum Iðunnar (lagboði 218). Vísuna orti Baldvin Halldórsson frá Þverárdal eða Baldvin Jónsson skáldi og stemmuna á Árni Árnason gersemi. Kjartan Hjálmarsson kveður.
Efnisyfirlit:
Um útsetninguna
Formið á þessir útsetningu er rondo ABACA og aðalþemað eru taktskipti í hefðbundnum ferskeyttum bragarhætti: 4,3,4,2.
Lögin eru öll í D dúr nema Straumur reynir sterkan mátt þar sem bæði koma fyrir Fís og F. Fylgirödd 1 styður við taktskiptin með fimmund á fyrsta slagi hvers takts sem spila má divisi ef vill.
Það er bjart yfir þessum vísum og útsetningin ber svip af því; flaututónar og trillur í fylgirödd 3 lýsa hljóðmyndina.
Tilbrigði
Útsetninguna má leika í heild sinni eða stök lög. Hægt er að breyta röð laganna og endurtaka að vild.
Öll lögin virka sem kvæðalög /stemmur við allar ferskeyttar vísur. Prófið að finna fleiri vísur sem passa!
Þessa útsetningu má fjölfalda til eigin nota en ekki í ágóðaskyni.Útsetningunni má breyta og aðlaga nemendahópum ef höfundar er getið.
This work is licensed under a Creative Commons Attribution-NonCommercial-ShareAlike 4.0 International License
Æfingar og upphitun
Þessi útsetning er tilvalin til að æfa taktskipti.
1. Sláum taktinn
Lærum að slá 2, 4 og 3. Skiptumst á að stjórna hvert öðru á lausum streng eða á hljómi að eigin vali. Prófum að skipta um takt en halda púlsinum.
2. Taktskipti 4 2 4 3
a) Spilum fyrsta slagið í hverjum takti á niðurstroki, teljum hin slögin upphátt með.
b) Fyllum upp í taktana en spilum fyrsta slagið áfram á niðurstroki (ath upp-upp í 3/4 taktinum)
c) Prófum fleiri rytma með breytilegum takti, t.d.
3. Trillur og mordent – fyrir lengra komna
Athugið: Stærri hljóðfæri kalla á stærri grip og fleiri stillingaskipti og sverir strengir svara seint. Því er þessi æfing meiri áskorun fyrir selló og bassaleikara en fiðlu- og víóluleikara. Aðlagið æfingarnar ykkar hópi miðað við hljóðfærasamsetningu og getustig. Það getur verið nóg að gera hana bara á tveimur nótum.
a) Spilum D dúr og setjum mordent á hverja nótu (innan tóntegundar). Hvílum bogann á strengnum milli nótna og spilum frá streng með örlitlu biti
osfrv.
b) Setjum öfugan mordent á hverja nótu:
osfrv.
c) Byggjum upp trilllur:
Þessa æfingu má gera á hvaða nótu sem er og með þeim fingrasetningum sem henta viðkomandi hljóðfæri.
Partar fyrir einstakar raddir
HUGA
Anna Hugadóttir
Bergþórugötu 25,
101 Reykjavík
Íslandi / Iceland
Tel: 00354 6943592
ARFURINN 2 Starfsmenntunarsjóður FÍH styrkti verkefnið og er verkefnið einnig unnið að hluta til fyrir starfslaun úr launasjóði tónlistarflytjenda.
GREIÐSLUR
Annahuga.is býður upp á greiðslu með millifærslu. Vinsamlega fylgið leiðbeiningum þegar gengið er frá kaupum
SÉRSTAKAR ÞAKKIR
Hildigunnur Rúnarsdóttir tónskáld, Gréta Rún Snorradóttir sellóleikari og Páll Hannesson kontrabassaleikari fyrir yfirlestur og góð ráð við gerð útsetninganna og
Tómas Eric hjá Onit - Multimedia fyrir uppsetningu efnisins og gerð nýrrar vefsíðu.
© 2021 - 2024 | Allur réttur áskilinn